Allt er hey í harðindum nema hey hey sí babbi lúlla, sí´s mæ beibí!

úff og púff

Tue, 03 Oct 2006 14:37:52 GMT

Hæ hæ

Undirrituð hefur nú gefist upp og gefið skít í þessa síðu. Þetta Central dót hefur tekið upp á því að úthýsa nokkrum þeirra pistla er ég hef ritað. Síðast í gærkvöldi setti ég inn pistil og gekk það vel. Svo í morgun þegar ég ætlaði að setja inn annan pistil þá var sá frá því í gær horfinn og engin leið að setja inn nýjan!!! Þessi sjálfstæða ritskoðun Centralsins fellur mér ekki í geð og því hef ég útbúið mér nýjan vettvang til að tjá skoðanir mínar á, jafnframt því sem stöku reynslusögum verður komið fyrir þar og öðru misgáfulegu efni. Sú síða er þó enn í þróun og stöðugri vinnslu. Vil ég taka það fram að allar ábendingar varðandi hana eru vel þegnar og er afar handhægt að nota "athugasemda" dálkinn til þeirra verka. Er hann staðsettur neðst í hægra horni hvers pistils

Yfir og út

Gígjan

gibban.bloggar.is

Skrýtið fólk!

Thu, 28 Sep 2006 14:21:12 GMT

Hæ hæ og sorrý letina :þ Það er bara búið að vera skrambi mikið að gera hjá minni og hafa skrif hingað inn einhvernvegin ekki náð að komast inn á forgangslistann... Kannski maður ætti eitthvað að endurskoða forgangslistann ::): Um síðustu helgi var ég að ljúka mínu tímabili í umsjón sameignarinnar, ryksugaði, pússaði, henti dagblöðum og skúraði (allt samkvæmt nákvæmum leiðbeiningum leigusalans) Þar sem ég kláraði Ajaxið í djöfulganginum ákvað ég að láta húsfélagsgaurinn vita svo að næsti myndi ekki þurfa að skrúbba sápulaust. Svakalega brá mér þegar náunginn kom til dyra en hann var barasta butt naked!!! Hann sá þó sóma sinn í að reyna að hylja nekt sína með því að skýla sér á bak við hurðina að mestu. Það gerði þó lítið gagn þar sem að við hliðina á honum var mannhæðarhár spegill!!! Því fóru nekt náungans og rassahárin ekkert á milli mála (ekki beinlýnis fögur sjón)! Mér varð svo um við þetta að ég varð eins og kleina og vissi ekkert hvert ég átti að beina augunum, romsaði því erindinu út úr mér í einni bunu og forðaði mér af vettvangi. Ég var í nettu sjokki eftir þetta atvik og hálf flökurt en vil þó nota tækifærið og ítreka það að blygðunarkennd mín er ekki auðsærð! Mér er spurn; Hafi náunginn haft félagsskap af hverju í andskotanum kom hann þá til dyra? Hafi hann hins vegar verið einn af hverju í helvítinu fór hann ekki í föt áður en hann kom til dyra??? One wonders! Fá kallar kannski eitthvað út úr því að koma til dyra á slátrinu???? Segjum þetta gott í bili Gígjan segir yfir og út

Er þá ekki kominn tími á nokkrar línur???

Fri, 01 Sep 2006 12:31:27 GMT

Nú er maður fluttur í borgina og ég fíla það í tætlur!! Það er búið að vera haugur að gera hjá mér, mest brasið hefur þó verið í því að koma sér fyrir, íbúðin sem ég er nú komin í er töluvert lítil. Ég er ekki að reyna að halda því fram að ég hafi búið í einverju risa pleisi en boj ó boj, gamla íbúðin var þó ansi mikið stærri en þessi. En til að koma öllu fyrir þá er ég búin að fara ófáar ferðirnar í IKEA og mubla upp með góðum hirslum. Get sko svarað spurningum ykkar varðandi verð og vöruúrval þeirrar verslunar, og það jafnvel betur en sjálfur IKEA bæklingurinn... En boj Ó boj... bókakostnaður úfff, eins gott að ég seldi íbúðina mína á toppverði, var að kaupa restina nú á miðvikudaginn, var það ekki nema 42.050 íslenskar nýkrónur! Áður var ég búin að punga út ca.16.000 kalli. Samtals er þetta því bara helvítis hellingur! Jæja, ætla að segja þetta gott í bili. Er að fara til Sýslumannsins til að láta þinglýsa húsaleigusamningnum svo maður geti farið að fá einhverjar húsaleigubætur... Heyrumst bráðlega aftur ;) G

Ji dúdda míja...

Tue, 18 Jul 2006 15:41:59 GMT

Vá hvað það er búið að vera mikið að gera hjá mér! Hefði ekki trúað því hvað það getur verið mikið bras við að vera hættur í vinnunni og með flutninga yfirvofandi! Vá! maður er ekki einu sinni á koddanum fram að hádegi, hvað þá langt fram yfir það. Í gær var mín á fullu með Homernum að henda upp þeim hurðum sem vantaði í stigaganginn, þannig að nú á maður bara smávegis frágang eftir í því basli svo maður geti skilað honum af sér án mórals, vantaði bara smáhluti úr Húsasmiðjunni og þá er allt klárt á þeim vettvanginum ;) ...loksins! Fór svo í hádeginu með Heiði, Sólveigu og Sóley á Bautann, Gerða frænka kom líka og var þetta ýkt nice. Gaman að hitta gellurnar yfir súpu, salati og slúðri. Ég má eiginlega ekkert vera að þessu bulli núna. Segi þetta gott í bili, reyni svo að henda einhverju gáafulegu inn við tækifæri. Eða bara einhverju svona til að segja eitthvað... Au revoir Gígjan

Það er naumast!!!

Wed, 12 Jul 2006 20:51:04 GMT

Þegar ég vaknaði í morgun þá var barasta ekkert að gerast. Bjóst þó við kalli til að skoða íbúðina kl.11. Stuttu áður en hann mætti á svæðið hringdi fasteignasalinn í mig og sagði að mér hefði boðist óformlegt tilboð. Ég varð bara kát og glöð með að eitthvað væri að fara í gang. Svo kom kallinn að skoða, fékk lítið feedback frá honum nema þegar hann kvaddi þá talaði hann um að þetta væri þriðja íbúðin sem hann skoðaði um morguninn og að hún bæri af hinum ;) Svo var ég stödd hjá systur minni upp úr hádegi þegar fasteignasalinn hringdi aftur, hafði þá kallinn frá því um morguninn brugðist skjótt við og sent inn formlegt tilboð, öllu hærra en hitt og mín farin að brosa svo að sást í tennur! Bað salan mig um að líta við upp úr kl.16. Þegar ég kom þar að hafði fyrsta tilboðið hækkað enn meira og ég brosi nú allan hringinn og lít nánast út eins og mongólíti... Sjálf hef ég ekkert mótframboð þurft að gera, hinir bara bítast um slotið... Þegar ég fór af sölunni áðan var verið að senda emil á þann lægri til að láta vita að hann hefði verið yfirboðinn. Hver veit hvað geris en eitt er allavega víst. Íbúðin er svo gott sem SELD Í síðustu viku var ég farin að þróa með mér magasár af áhyggjum um að geta ekki selt. Fór meira að segja í bankann til að ræða lánamöguleika, ætli ég fari ekki þangað afur í kringum helgina til að ræða ávöxtunarmöguleika ;) Mér er svo gasalega létt yfir þessu að ég fagnaði með því að fylla Focusinn af bensíni!!! Missti mig þó ekki alveg í eyðslunni, dældi nefnilega sjálf ;) Bless í bili Gígjan

Fríið byrjað en þó búið á þessum vettvangi!

Tue, 11 Jul 2006 16:03:43 GMT

Jæja þá er maður búinn að taka sér smá pásu frá ritum á þessa blessuðu síðu og tími til kominn að bretta upp ermarnar og byrja pikkið Ýmislegt hefur gengið á hjá mér síðan ég smellti mér inn síðast. To sum up: • Tók við íbúðini í Borginni. Aldrei séð annan eins skít!!! Var þessi annars sæta íbúð svo ógeðslega drullug að ég fór sérstaka ferð til Reykjavíkur bara til að þrífa, stoppaði þar í tvo sólarhringa, skrúbbaði, pússaði og sjænaði. Var djöfulgangurinn svo mikill að væri ég karlmaður þá hefði með sanni mátt segja að ég hefði verið pungsveitt! Náði samt ekki að klára verkið. Svo svakalegt var þetta. (þess skal jafnframt getið að ég þoli mikinn skít) • Setti íbúðina á sölu, sjá nánar á byggd.is Er enn óseld og áhugasamir hvattir til að gera tilboð, helst hrikalega hátt ;o) • Blessuð teppin loksins komin á sinn stað í fjandans stigaganginum, smáhlutir eftir, hlýtur að klárast áður en ég fæ taugaáfall yfir þessu bjevítans bulli! • Vann síðustu vaktina mína í gær!!! Á reyndar enn eftir að vinna um verslunarmannahelgina en þar sem það verður allt í aukavinnu og sjálft fangelsið lokað þá telst það varla með. Tilhugsunin um það að vera hætt er dálítið ógnvænleg (eða hræðileg eins og ég mismælti mig óvart) og ég á eftir að sakna þeirra alveg ótrúlega. Þá á ég að sjálfsögðu við vinnufélagana, fanganna mun ég ekkert sakna! • Magnús er farinn... Já ég varð að láta hann frá mér. Gat ekki fengið það af mér að henda honum enda frábær hirsla. Pabbi fór með hann upp í nytjagám fyrir mig. Nú er ég hins vegar farin að huga að flutningunum fyrir alvöru, úff ma´r! Djöfull er mikið af rusli og drasli í öllum skúmaskotum. Til dæmis í honum Magnúsi fann ég fullt af andskotans drasli sem ég skil ekkert í að ég hafi ekki hent beint í ruslið. Þar fann ég líka hluti sem voru búnir að vera týndir árum saman!!! Greinilegt að Magnús hafði oft verið í hlutverki “góða staðarins” til að passa hluti vel sem ekki máttu týnast en gleymdust svo. Já, Magnúsar verður sko sárt saknað! Vona bara að hann muni verða hamingjusamur á nýju heimili. Well, má ekki vera að þessu bulli lengur, nóg að gera. Svo má maður heldur ekki klára allt sem maður hefur að segja í einum pistli. Sérstaklega ekki ef maður hyggst herða sig í skrifunum!!! Peace out Gígjan

Bara ein gerð af jafnrétti eða...????

Mon, 22 May 2006 16:30:46 GMT

Er meðlimur í einhverjum viðhorfahópi hjá Gallup. Virkar þannig að annað slagið fæ ég sendar kannanir á mailið hjá mér og get í staðin unnið til verðlauna. Ekkert mál og oft bara dálítið gaman að þessum könnunum. Svo núna í síðustu viku þegar ég var á næturvakt þá sá ég að ný könnun var komin á póstinn hjá mér. Renndi í fljótheitum yfir formálann, þar var tekið fram að það tæki á bilinu 8 til 10 mín. að fylla könnunina út. Því gaf ég mér góðan tíma, kláraði að læsa piltana inni, pissaði, sótti mér kaffi og kom mér svo fyrir framan við skjáinn tilbúin í miklar vangaveltur og spögulasjónir. Könnunin var um jafnrétti. Svo var hafist handa.

Fyrsta spurning;
Hver er hjúskaparstaða þín?
Gift/ur
Í sambúð
Fráskilin/n

Einhleyp/ur

Ég hakaði í viðeigandi reit. Samstundist flettist á næstu síðu, þar stendur: Þú hefur lokið þátttöku. Kærar þakkir............!!!!!!!!!!!

Hvaða helvítis djöfulsins jafnrétti er þetta? Er þetta ekki bara klárt dæmi um mismunun milli einstaklinga og paralinga :evil:
Neita því ekki að ég móðgaðist hreinlega (og þarf nokkuð til...)

Andskotans melirnir...........

Reiði Guðanna?

Sat, 20 May 2006 22:28:41 GMT

Síðasta fimmtudagskvöld, þegar ljóst varð að Silvía Nótt kæmist ekki upp úr undankeppni Júróvisjón byrjaði að snjóa hér á norðurlandinu. Síðan þá er búinn að vera skíta-djöfuls-kuldi og drullu veður. Tel ég að Guðirnir hafi verið að gráta yfir heimsku mannkyns. Allavega yfir heimsku hinna Evrópuþjóðanna.

Síðan lögin í keppninni fóru að heyrast var strax annað lag sem fangaði athygli mína og tók ég ákvörðun um að það lag yrði svona til vara ef Silvía kæmist ekki áfram. Spreðaði meira að segja einu atkvæði á það í undankeppninni. Nú eru úrslitin ljós og vann þetta “vara lag” með yfirburðum.

...og það sem meira er þá hætti snjókoman þegar tíðindin urðu lýðnum ljós. Því er bara að bíða og sjá; var það Júróvisjón sem Guð var að vekja athygli á með þessu ankanalega veðri?

En engu að síður: TIL HAMINGJU LORDI

Chao
G

GLEÐILEGT SUMAR ...úr kuldanum í norðri

Thu, 20 Apr 2006 01:07:21 GMT

Úfff marrr...:!: Þegar ég loggaði mig hingað inn fyrir örfáum mínútum lenti ég í einhverri bévítans vitleysu um minnsirkus.is eða eitthvað álíka. Komst ég ekki inn á síðuna til að skrá dagbókarfærslu nema lenda í tómu tjóni og áður en yfir lauk var búið að stofna síðu inni á minnsirkus.is með mínu nafni ( þ.e. gibban ) Þarf held ég eitthvað að skoða þetta nánar, held að allt sem komi hingað afritist þangað, eða öfugt :!: Nennti ekki að lesa leiðbeiningarnar út í hörgul 8) Vona bara að ég skilji eitthvað í hlutunum.

En þetta var nú reyndar ekki erindið. Ætlaði bara að óska þér, kæra lesönd, gleðilegs sumars og breyta lúkkinu yfir í sumar - mode enda páskarnir liðnir með sínu óhóflega súkkulaði áti. Íbúðin mín heldur áfram að verða betri og betri, verður að ég held bara helvíti fín þegar ég set hana á sölu vonandi í maí... :lol:

Annars er ég að spá í að hafa þetta ekki lengra í bili enda langar mig að kanna aðeins hvaða bull þetta var þarna í innskráningunni áðan :S
G

Í tilefni páskanna...

Fri, 14 Apr 2006 07:24:48 GMT

...ákvað ég að lífga örlítið upp á síðuna. Enda þessi brúni meira bara svona vetrar-mode 8) En það er búið að vera í nógu að snúast hjá mér undanfarið. Ákvað að hætta við þetta geðdeildardæmi og fara bara að vinna í íbúðinni minni, svona áður en ég set hana á sölu. Get ég núna loksins sagt með stolti að eldhúsið mitt er ekki lengur hlandgult og horgrænt á litinn :haha: Þvílíkur munur! Bitarnir í stofuloftinu eru ekki lengur svartir og parketlistar eru komnir á hluta íbúðarinnar, verður klárað eftir páskana enda við bæði á vaktinni alla dagana ( þoli ekki fólk sem fær páskafrí... )
Það má því bara með sanni segja að ég hafi bara snúið mér að næsta verki þegar hurðarhelvítin fuckuðust upp...

Systir bauð mér á Litlu - Hryllingsbúðina í vikunni og skemmti ég mér alveg konunglega. Fór Gói ( man ekki alveg hvað hann heitir í alvörunni ) á kostum sem Baldur. Þvílíkt gaman að fara svona í leikhús...

Well, nenni ekki að skrifa meira í bili. Er að spá í að taka því rólega á vaktinni í dag enda gríðarlegt álag í dag 8| Heil 90%...

Yfir og út
G

AAAARRRRRRRRGGGGGGGGGG!!!!!!!!!!!!

Tue, 04 Apr 2006 17:22:01 GMT

Held ég þurfi að hvíla mig inni á geðdeild í nokkrar vikur:!: Get svo svarið það að ég held að ég sé farin yfirum! Djöfulsins helvítis andskotans fockings fuck-face og tussusnúðar :frown: Ef það er ekki eitthvað eitt þá er það bara eitthvað annað.... Er virkilega að velta því fyrir mér hvort ég eigi ekki bara að hætta við að setja upp nýja hurð inn í íbúðina hjá mér og henda bara upp sturtuhengi í staðin :|
Loksins þegar maður var búinn að sjatla alla í ganginum til að taka eins eldvarnarhurðir, ( tók á ) mæla upp, leggja inn pöntun og fá alla til að mæta í Húsasmiðjuna til að borga ( reyndar einn skussi ), semja við smið, hringja í tepparann og fá hann til að koma bara strax eftir páska ( svo að allt verði nú orðið klárt fyrir hann ) Allt klappað og klárt og eins og blómstrið eina. Ætluðu Húsasmiðjumenn meira að segja að senda okkur hurðirnar hingað heim í lok dagsins í dag eða í fyrramálið. Svo þegar ég var að fara út núna rétt áðan þá mætti ég einum íbúanum sem var að koma úr Húsó. Færði hann mér þær fréttir að eitthvað hefði fokkast upp og beyki hurðirnar ekki til í landinu, einhver misskilningur í tölvunum eða eitthvað álíka!!! Sagði hann líka að þær kæmu ekki til landsins fyrr en 14.apríl GGGGGAAAAAAAAAARRRRGGGGG
og ég sem hafði hringt í tepparann örfáum mínútum áður en þessar fréttir bárust þannig að ég þarf að hringja í hann aftur til að seinka honum enn meira. Gaman gaman :evil:

Well, ætla að taka pirringinn út annarsstaðar

Gígja geðveika kveður að sinni

Aðeins um ekkert

Tue, 04 Apr 2006 02:55:52 GMT

Sá í Kastljósinu um daginn myndbandið með Silvíu Nótt og fannst það nokkuð gott, eiginlega bara alveg helvíti magnað. Allt síðan þá hefur mig þó langað til að sjá það aftur og hef líka heyrt í nokkrum sem misstu af frumflutningnum og voru helst til svekktir með það. Nú áðan frétti ég af því á www.kvikmynd.is smellti ég mér því þangað inn og tékkaði á því aftur, var það jafnvel enn fyndnara en mig minnti svo ég skoðaði það bara enn einu sinni. Á síðunni má líka sjá viðtal sem tekið var við drottningu Íslands hjá MTV í Japan og fleira fróðlegt ;)
Fannst ég bara verða að koma þessum fréttum til þeirra sem misstu af og voru fúlir með það.

Annars hef ég svo sem ekkert að segja enda ekki upplifað neitt markvert undanfarna daga. Bara svona vinna/sofa/éta mode í gangi, er meira að segja á aukavakt núna og hálf leiðist enda ekkert í gangi nema að leika sér í tölvunni. Frekar pirrandi þó að komast ekki allra sinna leiða á netinu þar sem alltaf er verið að loka fleiri og fleiri skemmtilegum síðum. Þoli ekki þegar ACCESS DENIED poppar upp með eldrauðum stöfum og í bláum ramma..... frekar pirrandi.
En well, er að spá í að hætta þessu rausi um ekki neitt og fara að skjóta kúlur á www.leikjanet.is sem er síðan mín um þessar mundir, ætla bara rétt að vona að þeir fari ekki að loka þangað inn enda er þetta nauðsynleg síða til að drepa tímann á rólegum næturvöktum....

Chao

Hverrar krónu virði

Sat, 01 Apr 2006 04:54:05 GMT

Verslaði mér geislaplötu í febrúar síðastliðnum. Það er svo sem ekki í frásögur færandi nema hvað þetta er bara ein af betri fjárfestingum sem ég hef gert á þessum síðustu og verstu tímum. Daginn eftir þessi góðu kaup fórum við svo nokkur saman á tónleika með hljómsveit þeirri er leikið hafði á þennan snilldar hljómdisk. Eins og glöggir lesendur hafa eflaust tekið eftir þá er ég hér að ræða um köntrýgrúbbuna BAGGALÚT :haha::haha::haha:
Nú á dögunum gáfu þeir út nýtt lag sem nálgast má hér: www.baggalutur.is/ballantines.php en á heimasíðu félaganna sem ber slóðina www.baggalutur.is er margt fróðlegra frétta auk allra frábæru jólalaganna sem þeir félagar hafa gefið út :lol:

Njótið vel
G

Úti er alltaf að snjóa...

Thu, 30 Mar 2006 11:58:45 GMT

Aftur og aftur... þarf maður að moka svalirnar þessa dagana. Síðustu þrjá dagana hef ég mokað þær. Við erum ekkert að tala um nokkur snjókorn sem maður sópar eða blæs í burtu, nei nei við erum að tala um alvöru magn:!: Hef meira að segja verið í nettum vanda með að opna svalahurðina nægjanlega til að komast út til að hefja verkið:!: Svo er þetta svona blautur og þungur snjór enda hefur hitastigið verið í kringum núllið. Í gær fór ég út til að moka upp bílinn en hann hafði staðið á sama punktinum í þrjá daga og VÁ hvað það var mikil vinna, það er ekki nóg með að ofan á honum hafi verið 40 – 45 cm. af blautum og þar af leiðandi afar þungum snjó heldur allt í kring um hann líka. Það tók mig um 30mín. að ná kagganum úr prísundunni. Þegar því var lokið var ég komin í svo mikinn ham að ég djöflaði skóflunni áfram og mokaði bara meira. Gerði þennan fína stíg svo að fólk kæmist inn og út úr stigaganginum án þess að þurfa að vanda sig við að detta ekki. Þegar það var allt saman orðið klappað og klárt horfði ég yfir bílastæðið, dró upp símann og hringdi á mokstur. Ég lagði ekki í að hand-moka allt stæðið, hefði tekið fjandi langan tíma og ég sennilega drepist við þá iðju. Okkar menn mættu á svæðið og voru ekki nema 12 mínútur að hreinsa það svo vel að nú er nánast sokka færi þarna úti. Á meðan það kyngir niður hér fyrir norðan þá heyrir maður af moldroki í Biskupstungunum og sinubruna nálægt Hellu...:!: Hvað með meðalhófið? Hvar er sanngirnin???? Maður spyr sig 8|

En að öðru. Hér er búið að vera í nógu að snúast, undanfarnar vikur hef ég nokkrum sinnum orðið ofsa kát, hef líka orðið fjári pirruð stöku sinnum, hef einnig fengið nokkur taugaáföll og þunglyndisköst. Það sem orsakað hefur þessar miklu og kröftugu geðsveiflur eru framkvæmdir sem eru á fullu hér í stigaganginum. En eins og allir vita sem hingað hafa komið þá var kominn tími á endurnýjun hans fyrir ca.10 árum en loksins er það að gerast! Hins vegar, eins og gerist og gengur eru ekki allir alltaf sammála, misjafn smekkur manna og stefnt hefur í óefni stöku sinnum :S Eftir eitt stærra pirrings kastið ákvað ég að breyta um taktík, hætta að fá alla til að vera sammála um öll fjandans smáatriði og taka bara ákvarðanirnar sjálf, láta svo hina vita hvernig veggirnir og gólfin í sameigninni yrðu á litin o.s.frv. Miklu einfaldara þannig og allir ánægðir :haha: Allavega hefur enginn þorað að koma til mín og segja litina ljóta eða eitthvað annað ekki nógu gott :haha: Kannski enginn þori að fronta mig 8) En nú erum við farin að sjá þetta gerast og bráðum verða málaranir búnir með sína vinnu. Þá er bara að vona að hægt verði að henda hurðunum upp um leið og þær detta inn í næstu viku þannig að tepparinn geti mætt og klárað dæmið :haha::haha::haha:

Skrapp suður um daginn og skellti mér á árshátíð í Skíðaskálanum í Hveradölum, ýkt gaman. Í sömu ferð leit ég á íbúðina sem ég er að fara að leigja, þökk sé Dísinni:haha:
Rosalega hlakka ég til að flytja... get ekki beðið...

Well, er orðið fjandi langt þannig að ég held ég segi þetta gott í bili
Lifið heil
Gígja

Léttir lund

Tue, 28 Feb 2006 17:21:40 GMT

Hló mig máttlausa....

http://hugi.is/hahradi/bigboxes.php?box_id=51208&f_id=1516

Endilega kommentið!!!

Gígjan